University at College, Tinagalog/Finilipino Setyembre 25, 2008
Posted by ronipe in Ang Wika Ko.Tags: college, dalubhasaan, filipino, kolehiyo, pamantasan, tagalog, university
2 comments
Ako, sa kasalukuyan, ay nagsasalin ng aking dahong pangwakas (final paper?) na kailangang iharap bukas sa aming guro. Isa sa mga nakasalumuha kong mga salita ay ang college. Ang university ay matagal ko nang kilala bilang “pamantasan,” ngunit ang college ay matagal ko nang pinagninilayan. Hindi ko nais na gamitin ang salitang “kolehiyo” dahil pangit ito sa pandinig, kaya’t binuklat ko ang aking talahulugang Inggles-Tagalog at hinanap ang salitang college, sa pag-asang may matinong katumbas, o salin na ito sa aking wika.
Laking gulat ko ng natagpuan ko ang katumbas na “dalubhasaan” at sa sa loob ng mga panaklong ay may nasulat na new term. Natutuwa lang ako ay mayroon na tayong matinong salin para sa salitang college.
university – pamantasan
college – dalubhasaan
Mga Pagpapangalang Pang-sipnayan (matematika) sa Filipino Setyembre 14, 2008
Posted by ronipe in Ang Wika Ko.Tags: arithmetic, awanggan, balisultag, bunin, cube, cube root, differential, dikit, exponential function, factorial, filipino, guning bilang, imaginary number, infinity, involution, kalagmitan, lapyang laraw, math terms, mathematical, mathematician, mathematics, palatuusan, pamalitan, pambansang wika, pangugat, pangunahing kabisa, parirami, pariugat, permutation, pilipinas, pilipino, pinoy, plane figure, probability, radical, sipnayan, sipnayanon, square, square root, tagalog, talurami, taluugat, tangent, terminology, tingirin
2 comments
Ang mga sumusunod ay ilan sa mga pagpapangalang (terminolohiya) pang-sipnayan (pang-matematika) sa ating wikang pambansa.
- math – sipnayan
- mathematician – sipnayanon
- arithmetic – palatuusan
- radical – pangugat
- exponential function – pangunahing kabisa
- square root – pariugat
- cube root – taluugat
- square – parirami
- cube – talurami
- differential – tingirin
- involution – balisultag
- tangent – dikit
- plane figure – lapyang laraw
- probability – kalagmitan
- permutation – pamalitan
- factorial – bunin
- infinity – awanggan
- imaginary number – guning bilang
Mga Liwasang WiFi sa UP Diliman Setyembre 12, 2008
Posted by ronipe in teknolohiya.Tags: up diliman, liwasang wifi, laptop, cellphone, cell phone, tugbit, wifi hotspot, wifi hot spot, mass communications, college, up, kolehiyo ng malawakang pakikipag-ugnayan
4 comments
Mga Liwasang WiFi sa UP Diliman
Para sa mga mag-aaral ng UP Diliman na may mga tugbit (cellphone… hehe) at laptop na kayang umugnay sa WiFi, narito ang ilang mga liwasang WiFi na matatagpuan sa ating mahal na paaralan. Kung may mga mali o nais kayong idagdag, pakisabi lamang. 
-
UP Main Library (Punong Aklatan ng UP)
-
UP School of Economics
-
Aklatan ng Kolehiyo ng Inhinyero
UP College of Mass Communications (Kolehiyo ng Malawakang Pakikipag-ugnayan)
CHK Library (Aklatan ng CHK [Dalubhasaan ng Kinetiks Pantao {hala? hehe}])
Hmm… Sa kasalukuyan ay hindi ko maalala ang iba. Haha. Pakisabi na lang ang mga maaaring idagdag sa talaang ito.
UP Pep Squad, Panalo sa Patimpalak ng Cheerdance ng UAAP Setyembre 8, 2008
Posted by ronipe in Pamantasang Hirang.Tags: cheerdance, uaap, up pep squad
6 comments
Whoohoo! Hindi naman ako gaanong nagulat, ngunit lubos ang aking pagkagalak nang ibinigkas na ang UP ang nagwagi sa patimpalak ng cheerdance sa UAAP. UP nga naman. Hehe… Maligayang pagbati rin pala sa FEU, magaling, mahusay! Sa uste na rin pala. Go Uste, Go Uste… hehe
Ang Pinakamamahal Kong Pook sa Internet Setyembre 6, 2008
Posted by ronipe in teknolohiya.Tags: google, internet, pinakamamahal, pook sa sapot, pooksasapot
11 comments
Ano nga ba ang pinakasilbi ng internet sa mga mag-aaral na gaya ko? Ito ba ay paglalaro? Hindi. Dahil hindi naman ako mahilig maglaro. Hehe. Ang pinakasilbi nito sa akin, at marahil sa karamihan na rin ng mga mag-aaral diyan, ay ang pagiging isang halimaw na napupuno ng kaalaman na malaking tulong sa pagsasaliksik at sa pagtuklas ng bagong kaalaman.
Kaya naman ang pinakamamahal kong pook sa sapot ay ang Google. Lahat na yata ng kaalaman ay matatagpuan mo rin sa pamamagitan ng pagtuturo niya sa atin ng daan na dapat tahakin upang matagpuan ang ating hinahanap.
Ikaw, ano ang pinakamamahal mong pook sa internet?
